ست بريجيت: كيفك يا جارة عرفتي انو جبران اتصل بالحج وفيق تيطمن عن اخبار الحزب وزيارتهن لبكركي.
هيدا ابن غياض ما كتير هو وجبران وجبران بدو يعرف حتى يخبر عمو. هل الايام صاروا نايمين ببكركي واذا ضيّعتي جبران وما كان باللقلوق بكون عند السيد، ايه سيد بكركي هيداك السيد شكلو انقطشت على الاخير معو.
لنرجع لحديثنا جبران بدو يعرف اذا بعدو ممر إلزامي للرئاسة وطمنو الحج وفيق انو لا ممر ولا قادومية يرشح مين ما بدو. وانو الحزب عندو ٦٧ نائب للمرشح تبعو ورايح للاخير بلا خطة ب بلا بلوط… و١٥ نائب مسيحي بكفوا وبوفوا، والقوات بتكملو للنصاب ما بعيد في حدا يغبر على الرئيس. وسأل وفيق كيف كان الجو ببكركي؟ قلو :الراعي سأل الشباب بعدو مرشحكن فرنجيه قالولو نعم وهون بلش البطريرك يجود بمميزات فرنجيه . قلو جبران حج وفيق بحكيك بعدان عندي شوية وجع راس.
